«Лестер» ҳужумчиси Жейми Варди АПЛнинг 33-турида «Сандерленд»га қарши сафарда ўтказилган ва 2:0 ҳисобидаги ғалаба билан якунланган ўйиндан кейинги эҳтиросли фикрларини айтиб ўтди.
«Ўйин тугаб, жамоалар майдондан чиқаётганида «Сандерленд» мухлислари бизни ҳам олқишлашди. Бунга тенг келадиган иш йўқ бу дунёда.
Ўйин ажойиб ўтди. Биз бу ғалаба осон келмаслигини билардик ва ғалаба учун қаттиқ меҳнат қилдик.
«Лестер» чемпионлик учун қадамма-қадам яқинлашмоқда. Биз буган куннинг охиригача бугунги ғалабамиздан роҳат оламиз. Кейин эса ишга қайтамиз ва кейинги турга тайёрлана бошлаймиз», – дейди ҳужумчи.
Ўйиннинг 66 ва 90+5-дақиқаларида Жейми Варди томонидан урилган 2та гол «Лестер»га ғалаба келтирди.
