Англия Футбол ассоциацияси (FA) ФИФАдан собиқ футболчиларнинг ақли заиф бўлиб қолишига футбол ўйини сабаб бўлиши мумкинлиги борасида тадқиқот олиб боришда ёрдам сўради.
Бундай таклиф FA тиббий бўлими бошлиғи доктор Йен Бислидан чиққан. Бисли футбол туфайли ўйинчиларнинг келгуси ҳаётига хавф солиши мумкин бўлган касаллик бўйича тушунча олишни истамоқда.
«Бу жуда муҳим – футбол ўйини орқасидан инсонда ақлий заифлик юзага келиши мумкин ёки йўқлиги бўйича аниқ тушунча бўлиши керак. Одатда бундай ҳолатлар бош билан тўқнашувларда мия чайқалиши натижасида юзага келади», – дейди Бисли.
Англияда бу масала биринчи марта кўтарилаётгани йўқ. Бундан олдинроқ, 1966 йилда терма жамоа билан ЖЧда зафар қучган уч нафар футболчининг Альцгеймер хасталигига чалинганида ҳам бу масала кўтарилган. Шунингдек, терма жамоа собиқ футболчиси Жефф Эстланинг бошидан жуда кўп бора тўпдан зарба қабул қилиб олгани натижасида 2002 йилда вафот этгани ҳам масалага чуқурроқ ёндашишга сабаб бўлмоқда.
