Хабарингиз бор, 9 апрель куни сайтимизда карикатурачи рассомимиз Жавлон Назаровнинг "Дунёни тебратаётган Варди" номли карикатурасини эълон қилган эдик.
Ушбу карикатура эълон қилингач, футбол мухлислари турли хил фикрларни билдиришган: кимлардир танқид қилган бўлса, кимлардир рассом маҳоратига тан берган эди.
Энг қизиғи, ушбу карикатура эълон қилинганидан бир кун ўтиб, дунёга машҳур бўлган карикатурачи рассом Умар Мўманий қуйидаги карикатурасини эълон қилди:
Жавлон Назаровнинг карикатурасидан кейин эълон қилинган Мўманийнинг асарини кузатиб баҳо берингчи, ким кимдан илҳом олган? Ёки илҳом 9 апрель куни Назаровникига ташриф буюриб, бир кундан кейин чартер-рейс билан Мўманийнинг хонадонига бошқача либосда ташриф буюрдимикан?
