"Кўҳна қитъа"нинг энг нуфузли турнири Европа чемпионлар лигаси ўзининг қизғин палласига кириб келмоқда. Бугун ушбу турнирнинг чорак финал дастлабки жавоб учрашувлари ўтказилади ва ярим финалга йўл олувчи икки жамоа номига аниқлик киритади.
Унда ўз тарихида илк марта ярим финал остонаси йўлланмасини илк марта қўлга киритишга жуда яқин турган Англиянинг "Манчестер Сити" жамоаси бу мавсум чемпионликни мақсад қилган Франциянинг ПСЖ клубини қабул қилади. Бу жамоаларнинг Парижда ўтган баҳсида мухлислар кескин ва муросасиз беллашувга гувоҳ бўлишган эди ва ўша баҳс жанговар 2:2 ҳисобида якунига етган. Бу натижа инглизларни қониқтирсада, Лоран Блан шогирдлари ҳужумкор ўйин намойиш этиб, осонликка таслим бўлмасликлари табиий. Учрашув Тошкент вақти билан 23:45да "Этихад Стэдиум"да старт олади.
Шунингдек, сенсация бўлиши кутилаётган иккинчи учрашувда Мадриднинг "Реал" клуби Германиянинг "Вольфсбург" жамоасини "Сантяго Бернабеу" стадионида синовдан ўтказиб, биринчи ўйиндаги 2:0 ҳисобини йўққа чиқаришга ҳаракат қилишади.
ЕЧЛ-2016 1/4 финал жавоб баҳслари 12.04.2016 23:45
"Манчестер Сити" (Англия) - ПСЖ (Франция)
Биринчи баҳс: 2:2
23:45 "Реал" - "Вольфсбург"
Биринчи баҳс: 0:2
