«Тоттенхэм» ярим ҳимоячиси Хави Симонс ва жамоа вингери Муҳаммад Кудус ўз агентларига янги жамоа қидиришни бошлаш вазифасини топширди. Бу ҳақда The Touchline нашри хабар бермоқда.
Манба берган маълумотларга кўра, ҳар икки футболчи ҳамон «Тоттенхэм»га Англия Премьер-лигасидаги ўрнини сақлаб қолишда ёрдам беришга эътибор қаратган. Бироқ, таъкидланишича, Симонс ва Кудус жамоа қуйи лигага тушиб кетган тақдирда Чемпионшипда ўйнашга тайёр эмаслар, шу сабабли ҳар эҳтимолга қарши бошқа вариантларга эга бўлишни хоҳлашмоқда.
29 турдан сўнг «Тоттенхэм» Англия чемпионати турнир жадвалида 29 очко билан 16-ўринни эгаллаб турибди. «Шпорлар»нинг хавфли ҳудуддан фарқи бор-йўғи бир очкони ташкил этади.
