«Ювентус» жамоаси раҳбарияти «Реал» клуби вакиллари билан мадридликларнинг уч нафар футболчиси борасида музокара олиб бориш учун учрашишни режалаштирган.
Аввал хабар берганимиздек, туринликлар биринчи навбатда Альваро Моратани ўзида сақлаб қолиш учун ҳаракат қилмоқда ва бунинг учун «Реал»га қўшимча 20 млн евро тўламоқчи. Шунингдек, «кекса синьора» расмийлари ярим ҳимоячи Искони ва Данилони сотиб олишга уриниб кўради. Маълумотларга кўра, туринликлар асосий таркибдан тушиб қолаётган Иско учун 40 млн, Данило учун эса 25 млн евро сарфлашга тайёр.
