Европа чемпионлар лигасининг тўртинчи жамоаси, кутилганидек, "Бавария" жамоаси бўлди.

"Бенфика" номдор рақибга қарши иккинчи ўйинда ҳам яхши ўйин намойиш қилди ва 2:2 ҳисобидаги дурангга эришди.

Биринчи бўлимда Элизеунинг ажойиб узатмасидан кейин жарима майдончасига кириб борган Хименес бош билан дарвозани ишғол қилди. Нойер тўпга чиқишда хатога йўл қўйди. Мюнхенликлар биринчи бўлимнинг ўзидаёқ ҳисобни тенглаштиришди. Ламнинг ўнг қанотдан берган узатмасини лиссабонликлар посбони қайтарди. Артуро Видаль жарима майдончаси ташқарисидан тўпни бўш қолган дарвозага жойлади.

Иккинчи бўлимда Гвардиола шогирдлари бурчак тўпини голга айлантиришди. Гол муаллифи — Томас Мюллер. Ўйин тугашига 12 дақиқа қолганида Талиска ажойиб жарима зарбаси билан ҳисобни тенглаштирди.

"Бавария" ярим финалга йўл олди, "Бенфика" эса немислар жиддий қаршилик кўрсатган жамоа сифатида қоладиган бўлди.

ЕЧЛ, Чорак финал, жавоб ўйини
Бенфика Португалия – Бавария Германия 2:2 (1:1, 1:1)
Голлар: 1:0 – 27 Хименес, 1:1 – 38 Видаль, 1:2 – 52 Мюллер, 2:2 – 76 Талиска.
Бенфика – Эдерсон, Андре Алмейда, Линделеф, Жардел, Элизеу (Йович, 88), Сальвио (Талиска, 68), Фейса, Саншеш, Карсела-Гонсалес, Пицци (Гонсалу Гедеш, 58), Хименес.
Бавария – Нойер, Лам, Мартинес, Киммих, Алаба, Хаби Алонсо (Бернат, 90), Дуглас Коста, Видаль, Алькантара, Рибери (Гетце, 90), Мюллер (Левандовски, 84).
Огоҳлантиришлар: Карсела-Гонсалес (70), Мартинес (74), Андре Алмейда (90).
Биринчи ўйин: 0:1