Қўқон-Тошкент-Қарши йўналиши бўйлаб сафарга чиққан жамоамиз аьзолари , бугун тонгга яқин Қарши шаҳрига етиб келишди.

Жамоамиз аьзолари Қарши шаҳридаги  “Насаф травел”  меҳмонхонасига жойлашишди. Бугун соат 16.30да “Насаф” ҳамда “Қўқон-1912” жамоаларининг ўринбосарлар таркиблари ўртасидаги учрашув бошланади. Бу жамоаларнинг асосий таркиблари ўртасидаги баҳс эса эртага соат 18.30да бошланиши белгиланган. Бугун асосий жамоамиз аьзолари соат 18.30дан бошлаб ўзларининг ўйин олди машғулотларини ўтказишади. Эртанги баҳсда “Қўқон-1912” футболчилари кўк рангли футболкаларда ҳаракат қилишади. “Насаф” – “Қўқон-1912” жамоалари ўртасидаги учрашувни Азиз Асимов бошчилигидаги ҳакамлар гуруҳи бошқариб боради. Биз бугун ва эртага бўладиган баҳсларда футболчиларимизга омад тилаймиз !