Аргентина терма жамоасининг собиқ ҳужумчиси Габриль Батистута мамлакат футболи тарихидаги энг яхши тўпурар номидан айрилишга тайёр эканлигини айтди.
Батиголдан бу номни "Барселона" ҳужумчиси Лионель Месси мосуво қилиши мумкин.
"Қачонлардир ўзим билмаган ҳолда Аргентина терма жамоаси тарихида энг яхши тўпурар бўлганман. Бир куни эрталаб уйғониб, терма жамоада Марадонадан ҳам кўп гол урганимни эшитдим.
Бу рекордни бузишга Месси яқинлашаётганини кузатиш? Буни кўриш оғир, аммо гап менинг рекордимни ўзга сайёралик янгилаши ҳақида кетмоқда", - дейди Батистута.
Батистутанинг ҳисобида миллий терма жамоа учун 56та гол бор, Месси эса ҳозирча 50та гол урган.
