"Насаф" - "Ал-Айн" ўйинидан кейин ташкил этилган матбуот анжуманининг иккинчи қисмида жамоамиз бош мураббийи Рўзиқул Бердиев иштирок этди. Бугунги учрашув ҳақидаги фикрларини билдириб, журналистларнинг қизиқтирган саволларига жавоб берди.
 
Рўзиқул Бердиев: - Рақиб кучлилигини бугун барча кўрди. Йигитларга раҳмат яхши ўйин кўрсатишди. Голдан кейин ташаббусни бериб қўйдик. Иккинчи бўлимда яхши ўйин намойиш этдик. Аммо ҳужумларни самарали якунлай олмадик. Тезкор голдан кейин ҳам яна имконият бўлди. Бўлим ўрталарида ташаббусни бериб қўйдик. Айнан бўлим ўрталарида улар имкониятдан самарали фойдаланди. Бугунги ўйинда қатнаша олмаган футболчиларни ўрни билинди. Бугун академиязнинг уч нафар футболчиси майдонга тушди. Таркибимизда ўйинни ҳал қиладиган легионерни доим орзу қиламиз. Аммо бу орзулигича қолмоқда. Азиз Ғаниев аслида марказий ярим ҳимоячи. Аммо уни кўпроқ қанотда ҳам синаиб кўраяпмиз. Футболчи универсал бўлиши керак. Изланишда ва курашишда давом этаверамиз.