Эрон интернет нашрларининг хабар беришича, агар мамлакат терма жамоаси бош мураббийи Карлос Кейруш ишдан кетадиган бўлса, Эрон Футбол Федерацияси унинг ўрнига янги бош мураббийни топиб қўйди. Бу ҳақда footballChannel нашри хабар бермоқда.
Нашрнинг ёзишича, "Персиполис" клуби бош мураббийи вазифасида иш олиб бораётган Бранко Иванович Эрон терма жамоаси бош мураббийига айланиши мумкин. Ҳозирча Каролс Кейрушнинг Федерация билан ЖЧ-2018 ўтгунича бўлган шартномаси бор, бироқ форсларнинг футбол раҳбарлари билан келишмовчиликдан ранжиган Кейруш терма жамоадан кетиши ҳақида айтиб ўтган.
Persian Footballнинг хабар беришича, 2002-2006 йилларда Эрон терма жамоасинин бошқарган Иванковичнинг "персиполис" билан шартномаси бор ва унда агар терма жамоадан таклиф тушса, клубни тарк этиши мумкин деган банди бор. Ва шу эҳтимолдан келиб чиқиб,агар Кейруш кетадиган бўлса, Иванкович Эрон терма жамоасини бошқариши мумкин.
Эслатиб ўтамиз, ЖЧ-2018нинг 3-саралаш босқичида Эрон терма жамоаси Жанубий Корея, ЎЗБЕКИСТОН, Хитой, Сурия ва Қатар терма жамоалари билан бир гуруҳда баҳс олиб боради.
