"Ювентус" бош мураббийи Массимилиано Аллегри "Реал"ни бошқариш таклифига рад жавобини берди, дея хабар беради Corriere dello Sport.
Мутахассиснинг мақсади - "Ювентус" билан шартномасини узайтириш. Янги шартнома 2018 йилгача тузилади ва мутахассиснинг йиллик маоши 5 миллион евро бўлиши айтилмоқда.
Эслатиб ўтамиз, Аллегри қўл остидаги "Ювентус" ўтган мавсумда Италия чемпионлиги ва кубогини қўлга киритган, шунингдек, чемпионлар лигаси финалига чиққан.
"Кекса синьора" бу мавсумда мамлакат чемпионатида карвонбошилик қилмоқда ва кубок финалига йўл олган.