Бу йилги чемпионатимиз ҳар қачонгига нисбадтан анча сермаҳсуллиги ва кутилмаган натижаларга бойлиги билан ажралиб турмоқда. "Бухоро" жамоаси аста-секинлик билан турнир жадвалида юқорироқ пағоналардан жой олмоқда. "Бухоро" 5-турда ўз майдонида "Андижон"ни қабул қилиб йирик 5:2 ҳисобида ғалаба қозонди. Ушбу баҳсни бевосита стадиондан туриб кузатиш учун 21118 нафар мухлис ташриф буюрди. Бу рақамлар 5-тур учун рекорд саналади. Бухоролик мухлислар 1,3 ва 5-турларда тенгсиз теб топилишмоқда.
Эслатиб ўтамиз, бухоролик мухлислар 1-тур "Бухоро"-"Олмалиқ" (2:0) учрашувида 18352 нафарни, 3-тур "Бухоро"-"Пахтакор" учрашувида 22571 нафарни ташкил қилиб, 2012 йилдан буён чемпионатимизда сақланиб келаёдган ўз рекордларини янгилашган эди.
Ушбу учрашувлардан кейин кўпчилик мухлис ва мутахасислар, 1 -турда очилиш учрашуви бўлганлиги сабабли, 3-турда рақиб "Пахтакор" бўлганлиги сабабли мухлислар ташрифи юқори бўлди дея тахмин қилишган эди. Лекин бухоролик мухлислар 5-турда "Андижон" га қарши кечган баҳсда ҳам стадионни тўлдириб ўтиришди.
"Бухоро" ПФК жамоага ишонч билдириб, стадионга ташриф буюрган барча мухлисларга ўз миннатдорчилигини билдиради.
5-тур. Томошабинлар:
1.«Бухоро» (Бухоро) – «Андижон» (Андижон) – 5:2. 21118 томошабин.
2.«Қизилқум» (Навоий) – «Пахтакор» (Тошкент) – 2:2. 19318 томошабин.
3.«Навбаҳор» (Наманган) – «Шўртан» (Ғузор) – 3:1. 4351 томошабин.
4.«Насаф» (Қарши) – «Қўқон-1912» (Қўқон) – 1:0. 3856 томошабин.
5.«Нефтчи» (Фарғона) – «Сўғдиёна» (Жиззах) – 0:1. 1924 томошабин.
6.«Металлург» (Бекобод) – «Обод» (Тошкент) – 2:1. 1797 томошабин.
7.«Бунёдкор» (Тошкент) – «Олмалиқ» (Олмалиқ) – 4:2. 1306 томошабин.
8.«Локомотив» (Тошкент) – «Машъал» (Муборак) – 3:1. 1050 томошабин.
