ОЧЛ 5-туридан ўрин олган «Ан-Наср»-«Локомотив» учрашувидан сўнг ташкил этилган матбуот анжуманининг иккинчи қисмида мезбонлар устози Иван Йованович қатнашди.
Иван Йованович («Ал-Наср» бош мураббийи):
- Бизга қийин бўлишини кутгандик, бугун мавсумдаги энг оғир учрашувлардан бирини ўтказдик. Биринчи бўлим тенг курашлар остида кечди ва биз ҳисобни очишни уддаладик. Бироқ кейинчалик бурчак зарбасидан сўнг гол ўтказиб юбордик. Иккинчи бўлимнинг дастлабки 20 дақиқаси мобайнида курашдан тўхтамадик, аммо кейинчалик рақиб бизга кучли босим ўтказди. Шунга қарамай, вазиятни ўнглай олдик. Ўйлашимча, мазкур баҳсда қайд этилган натижа ҳар икки жамоани ҳам қониқтирди.
