Asianfootballfeast.com сайти таҳлилчиси Доро Зарандий persianfootball.com сайтида Эрон миллий терма жамоасининг ЖЧ-2018 саралашининг сўнгги ҳал қилувчи босқичидаги рақиблари борасида таҳлилий чиқиш қилди.
Жумладан, Ўзбекистон миллий терма жамоаси кучига ҳам баҳо берган.
"Ўзбекистон худди Жанубий Корея каби, "Оқ бўрилар" Эронни ютиш учун жуда очлар. 2014 йилдаги ЖЧ саралашида Эрон билан учрашувда ўз майдонидаги драматик мағлубият ва сафардаги умидли ғалаба ЎЗбекистоннинг жиддий, фақат ғалаба ва 3 очко учун ўйнайдиган жамоа эканлигини исботлаган.
Икки томон охирги марта 2015 йилнинг июнь ойида ўртоқлик учрашувида куч синашишган ва рон Меҳди Торабнинг қўшиб берилган вақтларда урган голи эвазига 1:0 ҳисобида ғалаба қозонган.
Бу терма жамоа яхши таркибга эга ва ўйинчилар танқислигини сезмайди, жарима майдончаси олдида бўш зоналар қолдирилса имкониятидан фойдалана оладиган футболчилари кўп. Бу дегани, Тошкентда ҳам, Теҳронда ҳам 3 очко олиш учун ҳамма нарса қиладиган Эрон терма жамоаси ҳимояси ўзбекларга қарши жипсроқ ҳаракат қилишлари керак.
Бу икки учрашувда ҳамма нарса бўлиши мумкин - Мэлли (Эрон миллий терма жамоаси) мухлислари 4 очкодан хурсанд бўлишлари керак, гарчи ҳар икки учрашувда 3 очко олиш мумкин бўлса ҳам", - деб ёзади Зарандий.
Энг яхши ўйинчилари: Одил Аҳмедов (ФК Краснодар), Сервер Жепаров (Локомотив, Тошкент), Виталий Денисов (Локомотив, Москва)
