"Реал" ҳимоячиси Серхио Рамос ўтган йилнинг ёзида "Манчестер Юнайтед"га ўтиши мумкин бўлганини маълум қилди.
Рамос клуб билан узоқ вақт шартномасини узайтириш борасида муҳокама олиб борди ва томонлар маош борасида келиша олмадилар. Миш-мишлирга қараганда, манчестерликлар футболчининг иштаҳасини қондиришга тайёр бўлганлар, аммо "Реал" президенти Флорентино Перес охир-оқибат Рамосга йиллик 10 миллион евро маош тайинлади.
"2015 йилнинг ёзида менга ҳақиқатдан ҳам "МЮ"дан таклиф тушган эди. Мен уни қўлимда олиб юрдим. Қайсидир вазиятда "Реал"ни тарк этиш фикри туғилди, аммо жонажон клубимда қолдим. Кўпчилик ўйлаганидек, ҳамма гап пулда эмас", - дейди Рамос.