Ўзбекистон ноҳаваскор ва ярим профессионал футбол клублари ўртасидаги 2016 йилги мусобақалар Регламентининг 19-моддаси 19.22-бандига мувофиқ, Олий Лига клублари матбуот котиблари уй учрашувлари ҳисоботлари (учрашув протоколи нусхаси, фотосуратлар ва бошқа маълумотлар)ни ЎзПФЛнинг расмий электрон почтаси (media@the-uff.com)га йўллашлари шарт.

Олий Лига 5-туридан олган “Локомотив” – “Машъал”, “Насаф” – “Қўқон-1912”, “Металлург” – “Обод” ҳамда “Бухоро” – “Андижон” учрашувларидан сўнг мезбон жамоа матбуот хизмати ҳисоботларни ЎзПФЛнинг расмий электрон почтасига юбормаган. Регламент талабига бўйсунмагани учун, мазкур клублар қаттиқ огоҳлантирилади.

Алоҳида таъкидлаб ўтиш жоиз, Регламентнинг 19-моддаси 19.22-банди талабларини бажармаган клубларга нисбатан Олий Лига 6-тур учрашувларидан бошлаб молиявий жарима чоралари қўлланилади.