Стивен Жеррард “Лестер”нинг чемпион бўлиши учун қолган барча учрашувларда ғалаба қозониши керак эканини айтди.
“Якшанба куни “Лестер”ни ушбу клуб тарихидаги энг муҳим ўйин кутиб турибди. Раньери шогирдлари ўз эҳтиросларини жиловлай олиши ва бор кучини ишга солиши талаб этилади. “Тоттенхэм” ҳам уларни қувишда давом этмоқда. Агар “тулкилар” Вардисиз ғалаба қозона олса, “Тоттенхэм”га кучли зарба бўлади. Фақат бир нарсадан афсусланаман, “Ливерпуль” билан Англия чемпиони бўла олмаганимдан”, – дейди Жеррард.