Римнинг "Рома" клуби афсонасига айланиб бораётган 39 ёшли Франческо Тотти Италия чемпионати 34-турида "Торино" га қарши баҳсда (3:2) захирадан майдонга тушиб, икки голга муаллифлик қилди.
Мазкур ўйиннинг тугашига 4 дақиқа қолганида римликлар 1:2 ҳисобида имкониятни бой бераётган эди. Тотти эса захирадан майдонга тушиб, дубль қайд этди ва Италия футболи тарихига яна бир марта ўз исмини ёзиб қўйди.
Гап шундаки, шу вақтгача ҳеч ким "А" серияда бу ёшда (39 ёш 7 ой) икки марта тўп кирита олмаган.