Лондоннинг “Челси” жамоаси Дортмунднинг “Боруссия” клуби ярим ҳимоячиси Генрих Мхитарянга қизиқиш билдирмоқда, деб хабар беради BamS.
Манбанинг таъкидлашича, лондонликлар раҳбарияти арманистонлик футболчининг трансфери учун “Боруссия”га 60 млн евро таклиф қилган ва уни қўлга киритиш учун курашни давом эттиради.
Генрих Мхитарян жорий мавсумда юқори самарадорликни намойиш қилмоқда. Германия чемпионатида 29 ўйинда майдонга тушган футболчи 11 та гол ва 13 та голли узатманинг муаллифи бўлди. Европа Лигаси мусобақасида эса у 15 ўйинда 7 та гол киритиб, 9 та голли узатмани ўз ҳисобига ёзиб қўйган.
