"Манчестер Сити" бош мураббийи Мануэль Пеллегрини ўз жамоасининг ЕЧЛ яримфинал учрашувларида "Реал"га қарши ҳимояда ўйнамаслигини маълум қилди.

"Бу яримфиналдан тўлиқ завқ олиш керак, чунки ҳар йили ҳам бу босқичгача етиб кела олмаймиз. Ўйинчилар бунинг қанчалик муҳим эканини сезиб туришибди. Бўшашиш ҳам керак эмас, чунки ҳамма финалга чиқишни истаяпти. Бизни ғалаба қозонишни мақсад қилган жамоа кутиб турибди.

Мен фаолиятимни совринлар билан ўлчамайман. Менга финал уч йиллик меҳнатлармизнинг якуни сифатида керак. Шунингдек, жамоанинг қандай ўйнаётгани муҳим. "Манчестер Сити" ҳеч қачон ҳимоядан ўйнамайди, бундай қилиб финалга чиқиб бўлмайди. "Реал"дан ўтишимиз учун ҳужумкор футбол ўйнашимиз керак. Ҳар бир мураббий чемпионлар лигасида ғолиб чиқишни истайди, аммо қайтараман чиройли ғалаба қозониш керак", - дейди Пеллегрини.