"Милан" бош мураббийи Кристиан Брокки А сериянинг 35-турида "Верона"га қарши учрашувдаги мағлубиятдан сўнг (1:2) фикрларини билдирди.
"Ҳозир айнан мен жамоани бошқаряпман ва бу натижа учун жавобгарликни бўйнимга оламан. Ёмон ўйнадик, ўзимиз хоҳлагандек ўйнай олмадик, аммо ютқазишни истамаган эдик.
Барча қийинчиликларга қарамай, "Милан" бирлашиши керак ва биргаликда меҳнат қилиши керак. Биз ўйинни назорат қила олмадик ва ҳақиқий жамоа бўла олмадик", - дейди Брокки.