"Манчестер Сити" бош мураббийи Мануэль Пеллегрини ЕЧЛ яримфиналида "Реал"га қарши биринчи учрашув (0:0) ҳақида фикрлари билан ўртоқлашди.
"Агар ғалаба қозонишнинг удддасидан чиқа олмаган бўлсак, 0:0 ҳисобини яхши деб ҳисобласак бўлади. Биз рақибнинг секин футбол кўрсатишга уринишини билар эдик, шунинг учун прессинг қўллашга ҳаракат қилдик.
Бу мавсумда сафардаги ўйинларда жуда яхши ўйнадик. Энди биз "Сантьяго Бернабеу"га худди ўз уйимиздагидай ўйнаш учун отланамиз.
"Реал" ҳужумга катта эътибор қаратишига тўғри келади. Финалга ким чиқади, биринчи ўйин ҳеч нарсани кўрсатмади. Ҳаммасига иккинчи учрашув жавоб беради", - дейди Пеллегрини.
Эслатиб ўтамиз, жавоб учрашуви 4 май куни Мадридда бўлиб ўтади.
