Испания футбол федерацияси тартиб-интизом қўмитаси "Атлетико" бош мураббийи Диего Симеонени 35-турда "Малага"га қарши учрашувдаги (1:0) воқеа сабабли уч ўйинга дисквалификация қилди.
Учрашувнинг биринчи бўлими охирларида "Малага"нинг хавфли ҳужуми вақтида мадридликлар захира ўриндиғидан майдонга иккинчи тўп улоқтирилган. Ҳакам шу заҳоти Симеонени майдондан четлатган ди.
Эслатиб ўтамиз, Симеоне рақиб ҳужуми вақтида майдонга тўп етказувчи болага (болбой) тўпни майдонга улоқтириш ишорасини берган. Мадридликлар болбойнинг ўзи тўпни улоқтирганини таъкидладилар.
Шу тариқа, Симеоне ушбу мавсумнинг қолган учрашувларини ("Райо Вальекано", "Леванте" ва "Сельта"га қарши) трибуналардан томоша қилади.
