Ёшлар жамоамиз 7-тур учрашувини Тошкентда "Локомотив" ёшларига қарши ўтказди.
Учрашув қизиқарли ва шиддатли тарзда кечди. Бу якуний ҳисобда ҳам акс этди. Стадионга ташриф буюрган ишқибозлар 7та голга гувоҳ бўлишди. Дастлаб, ёшлар жамоамиз тўпурари Қадамбой Нурметов бош билан рақиб дарвозасини ишғол этиб ўйинда ҳисобни очди. Орадан бироз вақт ўтиб Иван Нагаев мувозанатни тикловчи голга муаллифлик қилди. Биринчи тайм якунида мезбонлар пенальтидан унумли фойдаланиб ҳисобда олдинга ўтиб олишди. Гол муаллифи Бобур Тиллабоев бўлди. Иккинчи таймда жамоамиз таркибида бир қатор ўзгаришлар амалга оширилди. Бу тезда ўз самарасини берди. Жарима майдонида ишлатилган қўполликдан сўнг, Қадамбой Нурметов пенальтидан иккинчи голни уришга эришди. Ҳисоб тенглашгач, темирйўлчилар катта куч билан олдинга ташланишди. Иван Нагаев яна бир марта ўз маҳоратини намойиш этиб ўз жамоасини ҳисобда олдинга олиб чиқди. Голлар шоусини Суннатулла Абдуллажонов давом эттирди. Жарима майдони ичида акробатик усулда тўпни рақиб дарвозасига жойлаб қўйди. Ўйинда якуний ҳисобни Қадамбой Нурметов ўрнатди. Ёш тўпурар бу мавсумдаги голлари сонини 8тага етказиб олди.
