“УзДонгЖу” – “Косонсой” ўйинидан сўнг меҳмонлар устози Меҳмон Солихўжаев ўз фикрларини билдириб ўтди.
- “УзДонгЖу”жамоаси билан бўлиб ўтадиган "Водий дербиси"даги ўйинларимиз доимо шиддатли тарзда бўлиб ўтган. Бугунги матч ҳам ана шундай кўринишда кечди дея айта оламан. Шогирдларимнинг бугунги ўйинидан қониқдим, фақат яратилган имкониятлардан фойдаланишда бироз камчиликларимиз бор. Кейинги ўйинларгача мана шу хатолар устида ишлаймиз.
Бугунги рақибимиз “УзДонгЖу” анча тажрибали жамолардан ҳисобланади. Жамоа таркибида кўплаб маҳоратли ўйинчилар мавжуд. Мана шу тажриба бугун уларга қўл келди. Уларнинг икки қаноти жудаям тезкор экан. Жамоа бугун биринчи бўлимда ажойиб ўйин намойиш этди. Иккинчи таймда биз уларга муносиб қаршилик кўрсатдик деб ўйлайман. Кейинги ўйинларида ҳам омад тилайман, - дейди Меҳмон Солиҳов.
