"Вильярреал" бош мураббийи Марселино Гарсия Тораль Европа лигаси яримфиналининг биринчи учрашувида "Ливерпуль" устидан қозонилган ғалабадан сўнг (1:0) фикрлари билан ўртоқлашди.
"Ўйин ҳакам ҳуштаги чалинмагунча давом этади. Биз гол урдик ва ғалаба қозондик. "Ливерпуль" вазиятлардан фойдалана олмади, шунинг учун натижа ҳаққоний бўлди. Бизда буюк клубга қарши учрашувда тарих яратишга имкон туғилди, биз шундай ўйинлар учун яшаяпмиз. Биз нархи 30 миллион евролик ўйинчиларни мағлуб этдик", - дейди Тораль.