Хабарингиз бор, кеча Биринчи Лига 6-турида “УзДонгЖу” ўз майдонида “Хотира-79”ни қабул қилиб, кичик 2:1 ҳисобида ғалаба қозонганди.

Бир неча дақиқа олдин мазкур ўйиндан фотолавҳаларни тақдим этгандик. Энди эса “Хотира-79” бош мураббийи Рустам Дўрмоновнинг учрашувдан кейинги фикрларини ҳавола қиламиз.

- Бугунги учрашув дербиларга ўхшаб жудаям қизиқарли бўлиб ўтди. Биз учрашувда устунликка эришдик, лекин натижа мен ўйлагандек бўлмади. Бу футбол экан. Сен урмасанг сенга уришади. Юзага келтирилган имкониятлардан фойдалана олганимизда ютуқ биз томонда бўларди. Шогирдларимга хеч қандай эътирозим йўқ. Улар бугун барча кўрсатмаларимни аъло даражада бажаришди. Ўйин борасида ютқазмадик деб ўйлайман.

- "Хотира-79" жамоасининг асосий мақсади мухлисларимизга манзур келадиган футбол намойиш этиш ва хар бир учрашувда ғалаба учун майдонга чиқиш, - дейди меҳмонлар устози.