Кеча Янгиерда 25-29 апрел кунлари давом этган марҳум футболчи Бахтиёр Давлатов хотира турнири якунланди. Ушбу йилда бу турнирда 10 та жамоа бош соврин учун майдонга чиқди. Бу йилда бўлиб ўтган турнирда 2002 йилда тавваллуд топган жамоалар иштирок этди.
Турнир олдидан 10 та жамоа икки гуруҳга бўлинган ҳолда ўйинларда майдонга тушди.

"А" гуруҳи
1. "Янгиер"
2. "Машъал"
3. "Жиззахъ
4. "Шўртан"
5. "Гулистон"

"Б" гуруҳи
1. "Пахтакор"
2. "Насаф"
3. "Металлург"
4. "Андижон"
5. "Янгиер-2"

Жамоалар давра шаклда тўрттадан баҳсда майдонга чиқди. Шундан сўнг ўз гуруҳида биринчи ва иккинчи бўлган жамоалар ярим финалга йўл олди.
"А" гуруҳидан "Машъал" ва "Гулистон" жамоалари чиққан бўлса, "Б" гуруҳидан "Насаф" ва "Металлург" ярим финалга чиқди.

Икрем Репатов бошқарувидаги 2002-йил жамоамиз гуруҳда "Гулистон"ни 2:0, "Янгиер-1"ни 1:0, "Жиззах"ни 3:0 га мағлуб этиб, "Шўртан"га 0:1 ҳисобида имкониятни бой берди ва  ярим финалга йўл олди.

Ярим финал баҳсларининг биринчиси "Машъал" ва "Металлург" ўсмирлари ўртасида бўлди. Бу ўйинда бекободликларлар 2:0 ҳисобида ғалаба қозониб финалга йўл олди. Иккинчи ўйинда эса "Насаф" ўсмирлари гулистонлик тенгдошларини 1:0 ҳисобида мағлуб этди.

Кеча турнирнинг учинчи ўрин учун ўйинида ёшларимиз "Гулистон"га қарши майдонга чиқди ва 1:0 ҳисобида ғалаба қозонди. Икрем Репатов жамоаси турнирда учинчи ўринни қўлга киритди.

Финал баҳси эса жуда ҳам муросасиз кечди. Унда "Насаф" ва "Металлург" майдонга чиқди. Ўйиннинг 60 дақиқасида бекободликлар томонидан киритилган гол уларга турнир ғолиблигини олиб келган бўлса, қаршилик ёшлар иккинчи ўринни эгаллади.

Туннир якунида ғолиб ва совриндорлар ташкилотчилар томонидан муносиб тақдирланди.