Туриннинг "Ювентус" клуби ярим ҳимоячиси Поль Погба яқин уч ҳафта ичида келажаги ҳақида бир қарорга келиши зарур, дея хабар беради Gazzetta Dello Sport.
Манбада ёзилишича, "кекса синьора" раҳбарияти 23 ёшли франциялик футболчининг жамоада қолиш-қолмаслигини май ойи охирига қадар айтиши кераклигини айтиб ўтган.
Ҳозирда Франция терма жамоаси аъзосига "Манчестер Сити", "Челси", "Реал", "Барселона" ва "ПСЖ" клублари жиддий қизиқмоқда. Бироқ "Ювентус" Погбанинг ойлигини қўйиб юбормоқчи эмас ва унинг маошини 6 миллион еврогача кўтариб, шартномани 2020 йилгача узайтиришни мўлжалламоқда.
Погба бу мавсум барча турнирларда 46 учрашувда майдонга тушиб, 10 гол (15 пас)га муаллифлик қилган.
