"Реал" бош мураббийи Зинедин Зидан Испания чемпионатининг 36-турида "Реал Сосьедад" устидан қозонилган ғалабадан сўнг (1:0) фикрлари билан ўртоқлашди.
"Бэйл учун жуда хурсандман. У жароҳатларга тўла қийин мавсумни ўтказди. Унинг 90 дақиқа ўйнаётгани ва гол ураётганини кўришдан мамнунман. Мавсум охирида бугунгидай муҳим голлар ураётгани учун у бизга жуда керак.
Йигитлар охиригача курашиш кераклигини тушунар эдилар. Уларнинг ишидан ва уч очкодан қониқдим. Биз ўз ишимизни бажардик. Кўрамиз, рақобатчилармиз қандай ўйнар эканлар. Энди биз дам оламиз ва чоршанба кунги чемпионлар лигаси ўйинига ҳақида ўйлаймиз.
Ҳар уч кунда ўйнаш - қийин, аммо менинг қўл остимда 21 футболчи бор. Ҳар бири исталган дақиқада майдонга чиқиши мумкин. Бугунги ўйинга таркиб аниқлаётганимда чемпионлар лигаси ҳақида ўйламадим.Роналду ва Бенземага келсак, иккисини ҳам "Манчестер Сити"га қарши ўйингача сафимизда бўлишларига умид қиламан", - дейди Зидан.
