"Арсенал" бош мураббийи Арсен Венгер Англия чемпионатида "Норвич" устидан қозонилган ғалабадан сўнг (1:0) фикрларини билдирди.

"Биринчи бўлимда "Норвич"да икки-учта вазият бўлди, аммо Чех бизни қутқарди. Бизга темп етишмади, чарчагандай кўриндик. Иккинчи бўлимда яхшироқ ўйнадик ва ғалаба қозондик. "Норвич" зўр ўйнади, у охирги сонияларгача курашди.

Бизни ишқибозларнинг норозилигидан огоҳлантиришган эди. Албатта, биз мухлисларни хурсанд қилишни истаймиз. Буни уддалай олмаётганимиздан афсусдаман. Мен клубни ҳурмат қиламан, нимаики қилсам клуб фойдаси учун бажараман. Бу мавсумда чемпионликни кўзлагандик. Бу амалга ошмади, шунинг учун афсусдамиз. Буни келгуси мавсумда бажаришга ҳаракат қилмаиз", - дейди Венгер.