"Сўғдиёна" - "Машъал" (1:0) учрашувидан сўнг ташкил этилган матбуот анжуманида "Машъал" устози қатнашди.

"Қизиқарли ўйин бўлди. Иккала жамоага ҳам очко керак эди. Учрашув 6 очко учун бўлди дейиш мумкин. Асабий баҳс кечди. Рақиб ўз имкониятидан унумли фойдаланди, биз эса бундай қила олмадик. Жиззах клубини ғалаба билан табриклайман. Умуман олганда, йигитларга эътирозим йўқ, барча футболчилар қандай ҳолатда эканимизни тушуниб туришибди. Футболда камроқ хато қилган жамоа ютади. Биринчи бўлимда ўз дарвозамиз дахлсизлигини сақлаб қола олмадик. "Сўғдиёна" жамоаси курашувчан жамоа, ҳимоя чизиғида жуда тажрибали футболчилар ўйнашади", - дейди Хомяков.