Бугун биз “Сантос”да тўп сураётган "иккинчи" Неймар” ҳақида сўз юритамиз. Танишинг:

Карнавал ватани, қуёшли ўлка бўлмиш Бразилияга кўчиб ўтамиз. Аниқроғи Сантосга. Икки йил аввал бу ердан Каталонияга Неймар кўчиб ўтган эди. Шундан сўнг ОАВларни бир савол ўйлантира бошлади. Ким Неймарнинг ўрнини эгаллайди? “Сантос” мураббийлари Неймар тўп сурган позицияларда бир нечта футболчиларни синаб кўришди. Бироқ якунда клубнинг тарбияланувчиси, бугунги қаҳрамонимиз Габриеэль “Габигол” Барбозани танлашди. Пентакампеонлар юртида таваллуд топган деярли барча болакайлар қўлида тўп билан туғилади ва футболга меҳр қўяди десак хато бўлмайди. Габриэль ҳам бундан мустасно эмас. Барбоза 8 ёшидаёқ, кимсан Пеле таҳсил олган, “Сантос” академиясига қабул қилинади ва тез орада унинг иқтидори кўзга ташлана бошлайди. 16 ёшида Габриэль “Сантос” билан профессионал шартномани имзолади. Уни харид қилишни истаган жамоа эса нақд 50 млн евродан воз кечиши керак бўлади. Ҳориж забони билан айтганда, “қандай бошласанг шундай бўлади” деганларидек Барбоза учун 2013-2014 йилги мавсумни шундай таърифласа бўлади. “Спорт” жамоасига қаршми учрашувдаги голидан бошлаб кейинчалик мураббийлар ишончини оқлади ва тез-тез асосий таркибдан жой ола бошлади. Ўзининг илк тўлиқ мавсумида ёш иқтидор 31 учрашув ўтказиб 8 бор рақиблар дарвозасини ишғол қилди ва 4 маротаба голга ассистенлик вазифасини бажарди. У футболчи сифатида ҳам ўсди. Бу албатта бора бора Бразилия ўсмирлар ва ёшлар термасига таклиф тушишига олиб келди. 17 ёшгача термадан 23 ёшлилар таркибига қадар йўлни босиб ўтган Габриэль термаси сафида ҳам бекорга уни Габигол деб аташмаганини исботлади.     Нима учун уни айнан еймарга ўхшатишадию ва нима сабабдан у билан Европанинг турли гранд жамоалари қизиқишади. Бу ҳозир кўриб чиқамиз:   Техника Ҳозирги ёши учун техникасининг яхши ривожланганлиги унинг устун томони. Яъни тўпни назорат қилиш ва рақибни дриблинги билан ортда қолдириш.  Ўртача ҳар бир ўйинда 1 тадан тўлиқ ва омадли дриблинг. 20 ёшли футболчи учун яхши кўрсаткич.   Тезлик Тезкорлик бобида у “Сантос”нинг “Усейн Болти” саналади. Тасаввур қилдингиз-а. Рақибнинг ҳимоячиларини тезкорлик эвазига ортда қолдириш ҳеч гап эмас. Рақибнинг жарима майдончаси ичида ўзининг уйида юргандек эркин ҳис қилади.   Ўйинни кўра олиш қобилитяи Бу унинг энг асосий ва ажралувчи жиҳат. Габриэль қайси пайт тўп оширишни, қачон тезлик олишни ва қай вазиятда тўпни жамоадошига беришни тушунади. Ҳар қандай мураббий учун қулай футболчи.         Вазиятдан унумли фойдаланиш Ўтган мавсумнинг барча мусобақаларида Габигол 28 бор рақиблар дарвозасини ишғол қилган. Бу эндигини унинг професионал даражадаги учунчи мавсуми. Асосийси эса, дарвоза томон йўллаган зарбаларининг хар 3-си аниқ. Бироқ бу каби устун томонларга қарамасдин Габриэль қилиши керак бўлган иши бор.         Жисмоний тайёргарлик Устун томонлари ҳақида гапирар эканмиз, унинг бу имкониятлари 60-дақиқаларга қадар ишлайди. Кейин эса сўнишни бошлайди. Албатта, бутун 90 дақиқа тинмай майдонда югуриб юриш ҳар доим ҳам самара бермаслиги вақти соати билан келади.         Ҳимоядаги ўйин Ҳимояда ҳаракат қила олмаслик ҳужумчи учун уят эмас. Аммо замонавий футболда қанот ярим ҳимоячилари ҳимоячиларга ёрдам бериши тез-тез учрайдиган ҳолат. Аммо Габриэль қўпол қилиб айтганда “қора ишни” қилмайди ёки билмайди.       Нима бўлганда ҳам Габиголнинг ҳужумкор ярим ҳимоячи сифтаида ривожланиши давом этмоқда. Кўрамиз кейинги мавсумда у қайси клуб уни сафига қўшиб оларкин. Ҳар ҳолда зерикарли бўлмайди.   Манба: sports.ru сайтидаги блоглар маълумотидан фойдаланилди.