Футбол миллионлар ўйини. Бу оммавий спорт турини Ғузорда ҳам севишади. Айни кунларда бу ерда маҳаллалараро биринчилик мусобақаси бўлиб ўтмоқда.

Бугун “Гулшан” маҳалласида худди шундай мусобақа ташкил этилди. Унда 1990 ва 1997 йилда ўрта таълим мактабиини битирган собиқ ўқувчилар ўртасида маҳалла биринчилигининг финал учрашуви бўлиб ўтди. Ушбу финал учрашувига, тумандаги Гулшан, Навобод ва Наврўзтепа маҳаллалари жамоалари орасида ғолибликни қўлга киритган жамоалар йўл олишди.

Жуда қизиқарли ва муросасиз кетган учрашувда ғолибни аниқлаш узоқ давом этди. Учрашув асосий вақти 1:1 дуранг натижа билан тугаган бўлса, экстра таймларда ҳам ҳисоб тенглигича сақланиб қолди.

Учрашувдаги ҳисоб 32-дақиқада 1990 йилларда туғилганлар жамоаси аъзоси Хайрулло Рамазонов томонидан очилди. Ушбу голга 1997 йилда туғилганлар жамоаси аъзоси Маъмур Буронов 42-дақиқада жавоб қайтаришга эришди.

Учрашув асосий вақти ана шу ҳисобда якун топди. Шундан сўнг қўшимча таймлар бошланди. Бу таймларда ҳам ҳисоб ўзгармади. Мусобақа низомига кўра, энди навбат пенальтилар сериясига етиб келди.

Пенальтилар сериясида омад бари-бир 1990 йилларда туғилганлар жамоасига кулиб боқди. Учта маҳалла, Гулшан, Навобод, Наврўзтепа маҳаллалари ўртасида ўтказилган футбол мусобақасининг соврин жамғармаси 1200000 сўмни ташкил этган бўлиб, ғолиб жамоа мусобақа бош соврини билан тақдирланди.

Ғузор туманидаги 75-сонли ўрта таълим мактаб футбол майдонида бўлиб ўтган ушбу финал учрашувини Республика тоифасидаги ҳакам Бахтиёр Каримов бошқариб борди.

Жозибадор футбол мусобақалари туманнинг бошқа маҳаллаларида ҳам давом этмоқда.

Voha.uz сайти учун Ғузордан Хайрулло Отабоев тайёрлади.