"Тоттенҳэм" бош мураббийи Маурисио Почеттино "Челси"га қарши учрашувдан сўнг (2:2) фикрларини билдирди.

"Биринчи навбатда "Лестер" ва Клаудио Раньерини, "Лестер" мухлисларини табриклайман. Мен афсусдаман, чунки пойгадан чиқиб кетдик. Биринчи бўлим ва 2:0дан сўнг қарши ҳужумларга таяниб, учинчи голни уришимиз керак эди. Аммо шунақаси ҳам бўлиб туради. Биринчи голни ўтказиб юбордикми, энди ҳамма нарса бўлиши мумкин эди. Мен хафаман, аммо ўйинчиларим билан фахрланаман.

Бу ҳақиқий дерби бўлди, биз соврин учун жанг қилдик, "Челси" ҳам курашди. "Челси" бизни ҳурмат қилди, бундан фахрланишимиз керак, бу нарса келгуси мавсумга ҳам ўтишини истаймиз. Биз ҳам уларни ҳурмат қиламиз.

Бу футбол, биз эркаклармиз, бошқа эркакларга қанчалик кучли эканимизни кўрсатишимиз керак. Бу биз учун жуда яхши дарс бўлди, ахир биз лигадаги энг ёш жамоамиз. Мухлисларимиз ҳам умидли келажагимиз борлигидан фахрланиши керак. Келгуси йилда янада кучаямиз", - дейди Почеттино.