"Реал"нинг собиқ футболчиси Фернандо Йерро "Барселона" ҳимоячиси Херерд Пикега ижтимоий тармоқлардан воз кечишни маслаҳат берди.
Бу мавсум давомида Пике интернет орқали каталонияликларнинг рақиблари шаънига ноўрин сўзлар битган эди, айниқса "Реал" ва "Эспаньол"га. Яқинда мадридликлар сардори Серхио Рамос Пикедай футболчига бундай қилиқ ярашмаслигини айтган эди.
"Биринч навбатда мен Пикега ижтимоий тармоқлардан фойдаланмасликни маслаҳат берган бўлар эдим. Мен Херардни анчадан буён биламан, уни ҳурмат қиламан ва яхши кўраман. Мен унга замоанмиз ёшлар учун осон эмаслигини айтдим. Ижтимоий тармоқлар эса мағлубиятга учраган кунингни янада қийинлаштиради. Сен шахсий ва оилавий характердаги шарҳларга эътибор бер, бўлди", - дейди Йерро.
