Кеча ярим тунда бутун дунё футбол мухлисларининг кўпчилик қисми истаган воқеа юз берди. "Лестер" Англия чемпиони бўлди. Бўлганда ҳам АПЛнинг лидерларини ортда қолдириб чемпион бўлди. Ушбу воқеанинг асосий ролида Рияд Маҳрез ва Жейми Варди. Клаудио Раньерига эса шунчаки гап йўқ! Бунақаси яна қачон бўлади-ю, яна қачон биз сиз билан бундай тарихий воқеанинг гувоҳи бўламиз: ҳеч ким билмайди. Лекин, ҳозирча бугуннинг тарихий воқеаси гувоҳи бўлиб турамиз. "Лестер"нинг чемпионлиги ҳали кўп муҳокама қилинади, ҳали кўп улар ҳақида гапирилади, ОАВда улар ҳақида салмоқли материаллар тайёрланади.
Биз эса бугун сизга мана шу тарихий воқеани ўзининг навбатдаги карикатурасида кўрсатиб беришга ҳаракат қилган сайтимиз карикатурачи рассоми Жавлон Назаровнинг янги ижод наъмунасини эълон қиламиз. Кўриб баҳо бериш сизнинг зиммангизда.
