«Манчестер Юнайтед» клуби собиқ ҳимоячиси Рио Фердинанд Чемпионлар Лигаси 1/2 финал жавоб учрашуви доирасида бўлиб ўтган «Бавария» — «Атлетико» (2:1) учрашувдан кейин мадридликлар устози ҳақида илиқ фикрларни айтиб ўтди.
«Футболчилар тактикага ишониш учун мураббий ўз шартларини қўя олиши шарт! Симеоне ва унинг ёрдамчилари буни уддалай олишди ва улар фундамент қўя олишди. Унинг шогирдлари максимал даражада ўйнашмоқда. Масалан, Антуан Гризманни кузатинг.
Бундай ўйинни кузатиш ёқимли. Кимдир “Барселона” ёки “Бавария” кўрсатаётган ҳужумкор футболдан роҳат олади, менга эса Симеоне жамоаси амалга ошираётган ишлари ёқмоқда», — деди Фердинанд BT Sport каналига берган интервьюсида.