Осиё Чемпионлар Лигаси гуруҳ босқичининг “Бунёдкор” стадионида кечган учрашувларида Ўзбекистон клублари бирорта ҳам гол ура олмаган.
“Бунёдкор” стадиони ишга туширилган 2012-йилдан буён “Бунёдкор” клуби ОЧЛ гуруҳ босқичининг 8 та учрашувини янги аренада ўтказган ва рақиблари дарвозасига йўл топа олмаган. Шунингдек, Тошкентнинг “Локомотив” клуби 2016-йилги мавсум доирасида гуруҳ босқичининг 1 та учрашувини “Бунёдкор” стадионида ўтказиб, гол ура олмади.
Ҳозирга қадар “Бунёдкор” стадиони мезбонлик қилган ОЧЛ гуруҳ босқичи ва ундан кейинги плей-офф ўйинлари сони 10 тага етган бўлиб, шуларнинг тенг ярмида 0:0 ҳисобидаги дуранг натижа қайд этилган. “Бунёдкор” клуби гол ура олмаган яна 5 та беллашувда рақиб жамоалар зафар қучган. Қизиқ томони, мағлубият алами тотиб кўрилган 5 та беллашувнинг барчаси 1 та мураббий — Сергей Лушчан қўли остида қайд этилган.
Маълумот учун, Осиё Чемпионлар Лигаси гуруҳ босқичига йўлланма олиш учун Тошкентнинг “Бунёдкор” клуби “Бунёдкор” стадионида саралашнинг 2 та учрашувини ўтказган бўлиб, ҳар иккисида ҳам БАА клублари дарвозасига икки мартадан йўл топган.
“Бунёдкор” стадионида Тошкентнинг “Локомотив” клуби ҳам гол ура олмаган бўлса-да, “темирйўлчилар” ўзлари иштирок этган “А” гуруҳини пешқадам сифатида якунлади. Шунга қарамай, жамоа мураббийи Андрей Микляев ўйиндан кейинги матбуот анжуманида ОЧЛнинг 1/8 финалини “Локомотив” стадионида ўтишини исташи ҳақида айтиб ўтди.
ОЧЛ гуруҳ босқичи ва ундан кейинг плей-оффининг “Бунёдкор” стадиони мезбонлик қилган барча ўйинлари:
2013 йил
2 апрель
“Бунёдкор” (Ўзбекистон) — “Бейтсзинг Гоан” (Хитой) 0:0
23 апрель
“Бунёдкор” (Ўзбекистон) — “Санфречче Хиросима” (Япония) 0:0
21 май
“Бунёдкор” (Ўзбекистон) — “Бурирам Юнайтед” (Таиланд) 0:0
2015 йил
3 март
“Бунёдкор” (Ўзбекистон) — “Персиполис” (Эрон) 0:1
17 март
“Бунёдкор” (Ўзбекистон) — “Лаҳвия” (Қатар) 0:1
22 апрель
“Бунёдкор” (Ўзбекистон) — “Ан-Насср” (Саудия) 0:1
2016 йил
1 март
“Бунёдкор” (Ўзбекистон) — “Ан-Насср” (Саудия) 0:1
16 март
“Бунёдкор” (Ўзбекистон) — “Зоб Оҳан” (Эрон) 0:0
20 апрель
“Бунёдкор” (Ўзбекистон) — “Лахвия” (Қатар) 0:2
4 май
“Локомотив” (Ўзбекистон) — “Ан-Наср” (БАА) 0:0
