Қозоғистоннинг Павлодар шаҳрида бокс бўйича ўсмирлар ўртасидаги давом этаётган Осиё чемпионати вакилларимиз учун омадли ўтмоқда. Кеча мусобақанинг учинчи кунги беллашувларидан сўнг 4 нафар боксчимиз ярим финал йўлланмасини қўлга киритишди.
Бугун мусобақанинг тўртинчи кун беллашувларида эса яна тўрт нафар чарм қўлқоп усталаримиз совринли ўринлар учун рингга кўтариладилар.
Бугунги беллашувларда дастлабки жангида рақибини техник нокаутга учратган Шунқор Абдурасулов (56 кг.) бу босқичда таиландлик Плуэм Вангхаклангга қарши рингга кўтарилса, 64 кг. вазн тоифасида юртимиз шарафини ҳимоя қилаётган Зиёдбек Ўролов туркманистонлик Сердар Амангелдиев билан куч синашади.
Шунингдек, турнирдаги иштирокларини чорак финал босқичидан бошлаган Улуғбек Собиров (69 кг.) Хитой Тайпейи вакили Ву Йен-Ю билан ярим финал йўлланмасига аниқлик киритиб олса, 81 кг.да эса Санжар Турсунов туркманистонлик М. Чориевга қарши рингга кўтарилади.
Барча боксчиларимизга омад тилаймиз.
