Каталониянинг “Барселона” клуби футболчилари Дани Алвес ва Арда Туранларга жиддийроқ таклиф бўладиган бўлса, у ҳолда жамоа бош мураббийи Луис Энрике уларнинг кетишларига тўсқинлик қилмайди. Бу ҳақда AS клуб раҳбариятидаги манбага асосланган ҳолда хабар бермоқда.
Аввалроқ икки жамоага ҳам Хитойдан яхши таклиф бўлганди, лекин иккала таклифга ҳам рад жавоби берилганди. Айни пайтда эса “Барселона” клуби икки футболчи учун янги таклифларни кўриб чиқишга рози. Алвес трансфери учун катта пул талаб қилинмаслигини клубдагилар яхши тушуниб туришибди, бироқ, Арда Туран масаласида эса амалдаги компенсация тўланган тақдирдагина қўйиб юборишлари мумкин.
Арда Тураннинг “Барселона” клуби билан тузилган шартномаси 2020 йилнинг ёзига қадар мўлжалланган, Алвес эса 2017 йилгача жамоа билан шартномасини узайтирганди.