Россия терма жамоасининг собиқ яримҳимоячиси Игорь Семшов профессонал фаолиятини якунлашга сабаб бўлган омиллар борасида фикр билдирди.
Футболчининг сўнгги жамоаси Самаранинг "Крилья Советов" бўлган эди.
"Ҳатто 50 фоиз кучимни беролмаслигимни англаганимдан сўнг тугатдим. Бўлди, чегара. Яна шартнома тузишим, оёғимдаги даҳшатли оғриқларни яна бошдан кечиришим мумкин эди... Аммо, нега? Саудия Арабистонига чақиришди. Агар борганимда, сўрар эдилар: "Кимни олиб келдик? Ногиронними?"
"Крилья Советов"нинг ўртамиёна футболчилари менинг олдимда Месси ва Неймарга ўхшар эдилар. Уколлар ёрдам бермай қўйган эди", - эслайди Семшов.
