7 май куни олий лиганинг 8-турида "Пахтакор" "Навбаҳор"ни қабул қилади.

Тайёргарлик

Ўйинга тайёргарликни жамоамиз чоршанба кунидан "Пахтакор" стадионида тикланиш машқлари билан бошланди. "Навбаҳор" эса "Обод" билан чемпионат ўйинидан кейин кўпроқ муддат дам олиш ва ўйинга тайёргарлик кўриш имкониятига эга бўлди.

Қарама-қаршилик

Ҳар икки жамоа олий лигани тарк этмаган. Улар 48 ўйинда рўпара келишган. "Пахтакор" 31, "Навбаҳор" 11 учрашувда зафар қучган. 6 баҳс дуранг билан тугаган. Жамоамиз 82 тўп киритиб, 36 гол ўтказиб юборган. Тошкентда наманганликлар охирги марта 1997 йил очколи бўлишган. Шундан бери "Пахтакор" ўз майдонида очко йўқотмаган.

Ўйин расмийлари

Учрашувни Олим Толибжонов бошчилигидаги ҳакамлар бошқариб боради. У жорий мавсум "Қўқон-1912" билан баҳсимизни бошқарганди.

"ПАХТАКОР" - "НАВБАҲОР"

Ҳакамлар: Олим Толибжонов (Тошкент), Олим Абдувасилов (Тошкент), Санжар Шоюсупов (Тошкент), Игорь Гармашов (Тошкент).

Назоратчи: Ғайрат Каримов (Тошкент).

ЎзПФЛ вакили: Шерзод Ражабов.

Чипталар

Ўйинга чипталарни стадион кассаларидан 5 ва 15 минг сўмдан харид қилишлари мумкин. Ёшлар таркиблари баҳси 6 май, жума куни 17:00да Қибрайда старт олади. Асосий жамоалар учрашуви 7 май, шанба куни 18:00да бошланади.