«Динамо» - «Пахтакор-2» (2:1) учрашувидан сўнг меҳмонлар бош мураббийи Артём Петросян ўйин ҳақида тўхталди.
«Самарқандда бизни қийин ўйин кутиб турганлигини билардик. Чунки «Динамо» Олий Лигага чиқишни мақсад қилган. Шу боис футболчиларимизни жиддий тайёрлаб майдонга тушган эдик. Дуранг ҳисобни қўлдан чиқаришимиз аламли бўлди. Ўйинни таҳлил қилиб чиқамиз. «Динамо»га Олий Лигага чиқишни тилаб қоламан. Ҳар ҳолда Самарқанддек шаҳарда кучли жамоа бўлиши керак. Ўз вақтида бу ерда тўп сурганман ва самарқандлик мухлислар футболни қай даража севишларини биламан. Жамоамиз олдига қўйилган асосий мақсад ҳақида гапирадиган бўлсам, биз ёш футболчиларни асосий жамоамиз «Пахтакор»га тайёрлаб беришни кўзлаганмиз» - дейди Артём Петросян.
