"Арсенал" яримҳимоячиси Алексис Санчес лондонликлардаги ҳозирги вазиятдан норози, дея хабар беради The Telegraph.
Чилилик футболчи 36-турда "Норвич"га қарши учрашувда (1:0) алмаштирилди ва учрашув тугашини кутмай стадионни тарк этди. Футболчи норозилигини шу тарзда билдирди.
"Канонирлар" бош мураббийи Арсен Венгер бунинг учун футболчини танқид қилмади ва буни футболчининг майдонда кўпроқ бўлиш хоҳиши билан боғлади.
Санчес АПЛнинг бу мавсумида 28 учрашувда 12 гол урди.