"Тоттенҳэм"нинг собиқ ҳужумчиси Мидо "Лестер"нинг чемпионликка эришганидан сўнг сочини калга олдириб ташлади.

2005-07 йилларда "шпор"лар таркибида ўйнаган 33 ёшли собиқ футболчи мавсум бошида "Лестер"нинг чемпион бўлишига ишонмаган ва шундай бўлган тақдирда сочини калга олдириб ташлашга сўз берган эди. Мисрлик собиқ футболчи ўзи эксперт бўлиб ишлаётган beIN Sports каналининг тўғридан-тўғри эфирида ваъдасининг устидан чиқди.

Эслатиб ўтамиз, таниқли телебошловчи Гари Линекер ҳам "Лестер" чемпион бўлган тақдирда янги мавсумнинг илк кўрсатувида калта иштонда жонли эфир олиб боришга сўз берган.