“Абердин” клубини мағлуб этган «Селтик» клуби муддатдан олдин Шотландия чемпионига айланди. Учрашув Глазго шаҳридаги «Селтик Парк» стадионида бўлиб ўтди ва унда “Селтик” 3:2 ҳисобида ғалаба қозонди.
Майдон эгалари таркибида Патрик Робертс дубль қилган бўлса, Микаэль Лустиг битта тўп киритиб “Селтик”ни ғалабасига ҳисса қўшди. Меҳмонлардан эса голларни Ниэлл Макгинн ва Эндрю Консидайнлар киритишди.
Чемпионат якунига етишига икки тур қолганида «Селтик» турнир жадвалининг иккинчи поғонасида келётган «Абердин»дан 12 очко ўтиб кетди ва муддатдан олдин чемпионликни расмийлаштирди.
«Селтик» кетма-кет бешинча марта Шотландия чемпионлигини қўлга киритди. Жамоа ўз тарихида 47 марта чемпион бўлди!
Шотландия чемпионати.
“Селтик” – “Абердин” 3:2
Голлар: Робертс, 7 (1:0); Робертс, 20 (2:0); Лустиг, 49 (3:0); Макгинн, 57 (3:1); Консидайн, 64 (3:2).
Огоҳлантиришлар: Лустиг, 17; Амброус, 63 – Логан, 40; Флуд, 50; Тейлор, 61.
