«Динамо» - «НБУ-Осиё» (4:2) жамоалари ўртасидаги учрашувдан кейин дастлаб меҳмонлар мураббийи ўйин борасида тўхталди.

«Самарқандда қийин учрашув бўлишини билардик. Чунки бу жамоа Олий Лигага чиқишни мақсад қилган. Ўйиннинг бошида иккита гол ўтказиб юборган бўлсакда, шогирдларим таслим бўлишмади. Ҳужумларимиз натижасида иккита гол урдиб, яна ўйинга қайтдик. Аммо мезбонлар ҳужумкорликни оширгач, ҳимояда қўпол хатоларга йўл қўйдик. «Динамо»нинг учинчи голи ўйиндан ташқари ҳолатда киритилгандек туйилди менга. Бироқ бу мағлубиятга баҳона бўлолмайди. Биз ҳимояда янада эътиборли бўлмаганимиз учун мағлуб бўлдик.

«НБУ-Осиё»нинг асосий мақсади ҳозирги ёш таркибдан Олий Лигага муносиб футболчиларни етказиб беришдир» - дейди Руфат Акромхўжаев.