Германия футбол уюшмаси (ДФБ) УЕФА президенти Мишель Платинининг истеъфосини қўллаб қувватлайди, дея уюшманинг президенти Райнхард Гринделнинг сўзларини келтиради ТАСС.
Душанба куни Спорт арбитраж суди (КАС) Платинининг апелляциясини қисман қондирди. Суд амалдорнинг олти йилга футболдан четлатишини тўрт йилга, 80 минг швейцария франки миқдорида қўйилшган жаримани 60 минг швейцария франкига қисқартирди. Адвокатларнинг сўзларига кўра, Платини ташкилотнинг навбатдаги конгрессида истеъфога чиқарилади.
"Мен Платинига меҳнатлари учун ДФБ номидан миннатдорчилик билдираман. Аммо унинг истеъфоси КАСнинг мантиқий якуни бўлди. Биз бу қадамни қўллаб қувватлаймиз, чунки Платини шу тариқа УЕФАдаги янгиликларга йўл очиб берган бўлади" - дейди Гриндель.